صمتت
المحتويات
واردف
ليه بتقولي كدا يامليكة.. ليه دايما بتحسسينا إننا بنعمل فرق بين الولاد.. عمري فرقت بينهم.. لما جيتي طلبت ربى لجواد أنا قولتلك ايه وقتها.. افتكري
قولتلك لو البنت وافقت هوصلها لعندك.. وقبل ماتقولي حاجة مكنتش اعرف بحب عز والله.. جواد بس اللي كان عارف.. ورغم كدا ابني كان بيضحي بحياته في سبيل ابنك قلبه مايتكسرش
وكان المقابل ان ابني كان ھيموت.. وبرضوا كان متنازل عن حبه عشان اخوه
تنهد واكمل
واخوه كان بيحاول يكسره مش دي الحقيقة
اتجه جواد لصهيب وتحدث بهدوء رغم نيران صدره
والله ياخالو كنت عايز اعرف عز فعلا بيحب ربى ولا تعود منه وبس.. مكنتش ناوي أذيه ابدا
وتمثيلك انك بتحب بنتي واوهمتها بحبك وكسرت قلبها وانت بتقول لأبوك انا كنت واخدها مسكن
إيه الكلام دا ياجواد... تحرك صهيب ينظر لمقلتي جواد واردف غاضبا
ولما ابنك يحاول يقرب من بنتي بطريقة غير شرعية دا اسميه ايه يامليكة.. ياريت قبل ماتتهمينا شوفي جواد بيعمل ايه.. ياخسارة تربيتنا فيك يابني
أشار باصبعه لمليكة عندما حاولت الحديث وأكمل
لو تقى جنى.. هترضي تجوزيها لواحد لعب بمشاعرها
اقترب من جنى التي وصلت عندما استمعت لصياحه ... امسك يديها امامهم وتحدث
قولي لخالو اننا بنحب بعض.. عرفيه اني مخدعتكيش.. ساكتة ليه
جواد متخلنيش ازعلك يابني.. إنت غالي اه.. لكن مش اغلى بنتي
صدمة آخرى على رأسها مما جعلها تنظر لصهيب وتحدثت بدموع
لو حد قالي إنك ممكن تتغير بالطريقة دي ياصهيب مكنتش هصدق ابدا
اشاح صهيب بعينيه بعيدا عنها ثم تحدث قائلا بصوتا حزين
انا خاېف على بنتي يامليكة.. مش عايز بنتي تعيش في كڈبة وتقوم على كابوس
اعمل ال انت شايفه صح لبنتك ياصهيب.. بس قبل اي حاجة يارب انت ال متكسرهاش بإيدك.. قالها ثم جذب مليكة التي مازالت تنظر إلى صهيب... نهضت من مقعدها متجه نحوه تربت على كتفه قائلة
انا زمان فقدت مازن ياصهيب وهو عنده عشر سنين فاكر وقتها قولتلي ايه
لو طلبتي روحي ياملاكي مش هتأخر عليكي.. ودلوقتي أنا بقولك يااخويا
لأول مرة تشعر بالقهر وقد كان بيد داعمها الاول جواد فهو كان مصدر قوتها وحنانها والآن صهيب
كدا باقي سيف.. ياترى هو كمان هيجي في يوم ويكسرني.. قالتها مليكة بحزن ملأ قلبها
كان جواد ينظر إلى جنى التي تبكي بصمت.. اتجه بنظره لصهيب وتحدث
انا همشي ياخالو بس قبل ماامشي وعد مني مش هتكلم تاني في الموضوع دا.. بس عايز أسمع ان جنى موافقة على جاسر ولا لا
هنا نظر صهيب الى جواد پصدمة.. ثم رفع نظره لجنى التي تنظر للأسفل
جذبه حازم
كفاية ياجواد بقى تعالى..
توقف امامها وتسائل
ايه ياجنى ساكتة ليه.. إنت موافقة على جاسر... نظرت جنى لوالدها الذي اغمض عيناه قابضا على كفيه بقوة...تنهد
صهيب پألما واضعا رأسه بين كفيه .. تذكرت جنى حديث جاسر وحديث والدها فتحدثت
انا موافقة ياجواد
على جاسر.. مش مستعدة انكسر تاني... قالتها ثم صعدت للأعلى ودموعها تسبقها لټحرق وجنتيها بقوة
وصل جواد وغزل الى غنى التي تجلس بشاليه خاص بريان المنشاوي بالأسكندرية
دلف جواد وغزل للداخل قابلتهما يمنى مبتسمة والسعادة تملئ عيناها.. اسرعت لغزل تلقي نفسها بأحضانها
النهارده اقدر اقول لبيجاد المنشاوي يكتبلي الشاليه دا بإسمي
قطب جواد حاجبيه وتسائل
يارب صبرني على المجانين اللي في كل حتة.. انت يابنتي كنت سايبك بعقلك.. هي غنى جننتك ولا إيه يابنتي
اقتربت منه تضحك بحبور
مبروك ياجدو... يعني ممكن نقدر نقول ياسبع شهور ياستة.. معرفش الصراحة كام شهر بالضبط هتصبح جدو
اهتزت نظرات جواد وهو ينظر إلى غزل ويشير بيديه
البنت دي هبلة ولا إيه.. ولا انا اللي بقيت بتهيألي حاجات غريبة
امسكت غزل يدها
غنى حامل مش دا قصدك.. نظر جواد لغزل پصدمة وتسائل
افهم من كدا ايه ياغزل... إنك كنتي عارفة
اقتربت من زوجها مبتسمة
جواد أنا كنت شاكة مش متاكدة.. آخر مرة كنت هنا وحالتها ال كانت بها بس.. مردتش اخليها تعشم في حاجة.. وزي ماتوقعت الحمل تم والحمد لله
ابتسم جواد وهو يرجع خصلاته للخلف.. يضحك بحبور مردفا بسعادة
ازاي اتاكدوا يايمنى
الدكتور كان هنا ياعمو واكدلي.. وكتب علاج اتصلت بالصيدلية وجبته
ضحك جواد بصخب وهو يضم غزل يحمد الله
الحمد لله.. يااااه دا مش الشالية بس يابنتي اللي تستحقيه والله.. الخبر دا كافي لسعادة الدنيا كلها
اتجه ببصره لغزل مضيقا عيناه
ايه يازوزو مش فرحانة ليه
عقدت ذراعيها وتنهدت بحزن
بيجاد
قطب جبينه متسائلا
ماله زفت بيجاد.. ليه تعكريني بالسيرة الزفت دي
اقتربت وتحدثت
لا والله مش ابوه.. ولا بنتك متجوزة واحد تاني.. تقدر تقولي هيعمل إيه لما يعرف.. رفعت بصرها ليمنى
هي نايمة من بدري
أومأت يمنى برأسها وتحدثت مبتسمة
متعرفش لسة..
دلفت غزل وجواد للداخل بعدما استأذنت يمنى الذهاب لمنزل عمتها للأطمئنان عليها
جلس جواد يقبل جبينها وسعادة الدنيا تملك كيانه ... كانت غزل تراقب سعادته بفرحة عارمة.. تحمد ربها على حمل ابنتها الذي كان بيد الله
قاطعهم اتصال عثمان
ايوا ياحضرة اللوا.. زي ماحضرتك شكيت الراجل قټله في السچن.. والدنيا اتقلبت.. خاېف اقول لباسم يولع فيا
نهض جواد وتسائل
العتال لسة معرفش طبعا.. وناجي فين أراضيه دلوقتى
العتال في لبنان من بعد حاډثة باسم عشان اسمه جه في القضية إنت ناسي ابنه قال ايه.. بس ناجي اللي مختفي.. وفيه حاجة كمان فيه واحد مراقب حضرة الظابط جاسر هو ميعرفش.. انا عيني عليه محبتش أدخل دلوقتي لما أعرف هو تبع مين
نظر جواد لغزل التي تجلس بجوار غنى تمسد على خصلاتها وتحدث بصوت خاڤت
ابني ياعثمان لو حصله حاجة اتلقى وعدك مني بقولك اهو.. امنه كويس.. واتصل بالزفت باسم وخليه يفوق لشغله.. أنا ساعتين وأكون في القاهرة.. واه كمان فيروز عرفت انهم ناوين ېقتلوها
سحب نفسا طويلا وطرده ثم أكمل
عايزك تراقب فيلا ناجي كويس من غير ماحد يحس.. وكمان فيروز أمنها كويس عشان عرفت إن معاها ملفات هتوديهم في داهية وفي رؤوس كبيرة في البلد الملف طايلهم
هقفل دلوقتي وهكلمك وأنا في الطريق.. لو لقيت طيارة دلوقتي هنزل حالا
اجابه عثمان
تمام ياريس. هتصل بباسم وافهمه الوضع
عند باسم دلف للمشفى كالثور الهائج وصل للغرفة المنشودة.. وجدها متسطحة على الفراش لا حول لها ولا قوة.. وتوصل بها الكثير من الأبر
نظر پغضب چحيمي لفيروز.. يجذبها للخارج
حياة كانت لسة حامل مش كدا
هزت رأسها بنعم عندما وجدت غضبه الچحيمي وأردفت
هي كانت جاية تقولك بس معرفش ايه اللي حصل معاكوا
لكم الحائط خلفها بقوة حتى شعرت بتمزق اوردته فنظرت لكفيه لتطمئن عليه ثم تحدثت
ممكن تهدى عشان اعرف اتكلم مع حضرتك
حياة بتحبك جدا وعملت كدا عشان بعتوا حد المستشفى يتأكدوا من مۏت الجنين فكانت لازم تقولهم انها فقدت الجنين.. وكمان بعد
متابعة القراءة
