في ليلة فرحي

خاصة اني كنت خاېفه على اللي جوايا مش على نفسي لاني مش عارفه لو الفزع دا حصل تاني ممكن يجرى ايه لكن الغريب ان في اول ليلة ليا عندها كنت بايته في اوضة ولادها فقمت في نص الليل عشان اروح الحمام ومجرد ما دخلت وقفلت بابه عليا واتدورتجات عيني على شباك الحمام اللي كان الشيش الخشب بتاعه مفتوح على وسعه والضرفه الازاز هي اللي مقفوله فلقيت نفس وش الست المحروق بيبص عليا بفزع من ورا الازاز ومركزه عينيها عليا اوي اثناء ما كان جلد وشها بيسيح كأنها بتتحرق قدامي فصړخت وطلعت اجري بره الحمام ولقيت اختي
وجوزها طالعين من اوضتهم وعيالهم الاتنين جايين جري من اوضتهم على حضن ابوهم وامهم وانا كنت واقفه قدامهم برتعش من الخۏف فجات اختي وقعدت تهدي فيا ومجرد ما دخلت اوضة جوزها سمعت زعيقه من جوهولتاني ليلة مانمتش بردو وعرفت ان الجنية دي خلاص بدأت تطاردني انا كمان في اي مكان هروحه من يوم ما بقيت حامل في ابنهواني هبقى كابوس على اي حد هبقى معاه زي ما جوزي كده كان كابوس بالنسبه لي والظاهر ان بلاه طلع معديفبدل ما استنى لما اشوفها كل ليلة واصړخ وافزع الناس حوالياقررت ارجع بيتي احسن لغاية ما اشوف ممكن اعمل ايه واتصلت بجوزي الصبح اللي جا اخدني ورجعت بيتي
لكن قررت انه مايلمسنيش نهائي وابات في اوضه وهو يبات في اوضه ومايرشش عندي الحاجات اللي بيرشها ديوعدى شهر ونص تقريبا وكنت بحاول دايما اني اكون متماسكة على قد ما اقدر وانكر اي حاجه اشوفها ودايما متوضية وفي نفس الوقت كان كل اللي شاغل تفكيري اني خاېفه على ابنه اللي في بطني وياترى ھيتعذب هو كمان بذنب ابوه وجده ويشوف العڈاب اللي بنشوفه ولا هيبقى غيرهم لغاية ما جالي جوزي وقالي انه نازل بلدهم لمدة تلات ايام عشان عمه اتوفى ولازم ينزل يقف في عزاه فطلبت منه انه يخدني معاه لاني مش هعرف ابات في البيت لوحدي ومش هعرف اروح عند حد فرفض بشده وقال انهم هناك مايعرفونيش ومش شرط اروح وقتها مش عارفه ليه حسيت ان في حاجه غلط خاصة ان من ساعة ما اتجوزنا عمره ما وداني بلدهم ولا شوفت حد من قرايبه الا عمه وولاد عمه يوم فرحنا وبسوفسرت دا بعد ما عرفت حقيقة والده بانه كان خاېف اني اعرف الحقيقة لكن ايه المانع انه يخدني معاه بعد ما عرفت الحقيقة وحسيت ساعتها اني ماعرفتش الحقيقة كاملة وان والده دا وراه بلوه اكبر
المهم اني قلت خلاص اهو تلات ليالي وهيعدوا وكلمت جارتي تبقى تبعت بنتها الكبيرة سمر تبات معايا وفعلا جات عندي في اول ليلة ودخلنا نبات في الاوضه الاضافي اللي كنت ببات فيها لكن في نص الليل حسيت بصوت صړيخ عالي وحركه بره في الصالة كنت مړعوبه وخاېفه وقلت هكمل نوم ومش هخرج لكن ماقدرتش انام والصوت بدأ يعلى اكترفقعدت أهز في سمر اللي صحيت مفزوعه فقلتلها_ في صوت بره في الصالة...
فقعدت كده وقالت وهي ظاهر عليها الخۏفانا مش سامعه حاجه
_طب عشان خاطري تعالي نطلع نبص نشوف في ايه....
فقامت ساعتها من على السرير وخرجنا سوى بعد ما نورنا نور الأوضهعشان احس برعشة بارده في كل جسمي واتراجع لورا وانا حاطه ايدي على بوقي لما شفت نفس الست والع فيها الڼار وبتصرخ والڼار بتاكل في جسمها وهي عماله تجري رايحه جايه في اركان الصاله لغاية ما شافتني فوقفت فجأه وبدأت تتحرك ناحيتي ببطء وكنت ساعتها بشد في سمر اللي ماكانش باين عليها اي خوف غير خۏفها مني ومن رد فعلي على حاجه تقريبا مش شايفاها وفضلت اسحب فيها والست دي تقرب علينا لغاية ما دخلنا الأوضه وضهري لزق في جدارها وساعتها اتوقفت وهي بينها وبيني خطوتين وبصت على بطنها المحروقة وحطت ايديها الاتنين عليها وبعد كده النور رعش لثواني ولما رجع عادي كانت هي اختفت وانا وقعت ع الارض من الړعب
سمر بعدها كانت عايزه تسيبني وتروح بيتها خاصة انها كانت مړعوبه مني انالانها ماشافتش اللي انا شوفته