الحلقه الثانيه حضن عشماوي بقلم حنان حسن
في الفيديوا
لربما تتعرفوا علية
وبالفعل شغل الضابط الفيديوا
واول ما ظهر الشخص المنتقب
علق محمد
وقال ..الي لابس النقاب ده راجل مش واحده ست
في اللحظة دي
انا بطني وجعتني
وخۏفت لا يوصلوا لجعفر
وجعفر يعترف بالست الي اجرتة
المهم ..
بعدما شوفنا الفيديوا
ردينا احنا الثلاثة
وقولنا اننا منعرفش حد بالاوصاف دي
فا طلب مننا الضابط
وبعد ما خلص الضابط مهمتة
سابنا ومشي
وبعدما الضابط مشي
بصتلي اميرة
وقالتلي ..علي فكرة براءة امك مش هتغير من موقفي ناحيتك انتي وامك
قلت...يعني ايه
قالت...يعني تتفضلي تلمي هدومك انتي وممتك وتمشي من هنا
ومش عايزة اسمع انكم قربتوا من الفيلا تاني
بصراحة اسلوب اميرة استفزني
واسبها...بكل الشتايم القديمة والجديدة
بس قبل ما اعمل كده
سمعت محمد وهو بيوقفها عند حدها
وبيقولها...انتي تخرسي خالص
ومش عايز اسمعلك صوت في البيت ده بعد كده
مش كفاية انك اتهمتي امها بالكدب
عايزة كمان تحرمي الست من حقها في ميراث جوزها
فا برقت اميرة
وقالتلة
ميراث مين
الست دي مش هتاخد جنية واحد من فلوس ابويا
وقالها...
..شرعا وقانونا
ام ملك لها نصيب في الميراث...وفي الفيلا وفي كل حاجة هنا
وبالشرع والقانون
وهي وبنتها هيفضلوا معانا
هنا
فا ردت اميرة بغل
وقالت...دا علي چثتي
فا رد محمد ببساطة
وقال..
لو معترضة يا اميره
خدي نصيبك من الميراث واتفضلي فارقينا
لكن ام ملك هتاخد حقوقها كاملة من ميراث ابويا
في اللحظة دي
وقفت اميره ساكتة لما شعرت بعجزها عن الرد
فا سابها محمد ومشي
ولما لقيت نفسي واقفة معاها لوحدي
خۏفت لتأكلني
فا عملت نفسي بدور علي الموبيل
وجريت من ادامها
ولما رجعت لغرفتي
قررت اخد هدومي وهدوم امي واهرب من البيت المشحون بالغل دا
لكن لما دخلت للاوضة
لقيتني بفكر في التصرف الشهم الي عملة معايا محمد
بس محمد اية وبتاع اية
لا لا لا
انا لازم اهرب حالا قبل ما يتكشف المستور
وبالفعل جهزت الشنط
واخدت حاجتي وحاجة ماما
و اتوجهت لباب الاوضة
لكن...
قبل ما اخرج
سمعت صوت محمد جاي من ناحية المكتب
وكان بينادي عليا بصوت عالي
فا تركت الشنط وروحت اشوف في اية
واول ما دخلت علية
لقيتة ماسك في ايده موبيل سعيد جوز امي
فا اقتربت من المكتب
وسالتة
قلت...انت كنت بتنادي عليا
فا بصلي محمد بعنية الي كانت بتطق شرار
وقالي .......
يتبع الجزء الثاني
